لا والله تنكدت ذيك الليله,طبعا موغريب هالشي علي طول عمري متنكده ((لاإله الا الله اللهم لااعتراض على حكمك))سامحوني اعزائي فوالله اني لااستطيع ان اتمالك نفسي من همي وألمي ,المهم لما دخل صالح واهله واولادة بالصاله عندي قمت اسلم عليهم وباركوا لي كان صالح في نظراته اعجاب كبير بي وكان طول الليل وهو يناظرني متفائل خير على قوله فجاءه دخل فهــــــــد من غير مايراعي حرمة الموجودين من غير مايراعي وجود بنات ناس بالبيت قام شدني من شعري وقال تتزوجين من غير ماتقولين لي تتزوجين وانتي الي رفضتي تعيشي معي وخليتي اهلي يحقدون علي نسى اغتصابه لي نسى اني رفضته من حيونته الي شفتها فيه وانتهاكه عرضي كان يبغى يثبت رجولته على حسابي وكان انسان يحب ينتقم من خلق الله الضعوف من غير سبب وياكثر ضحاياه من النا س سوا الاجانب او من نفس بلده بس انا اكبر ضحيه في حياته والله ياناس ان فيه ناس تبغى تفرض سيطرتها على خلق الله حتى لوبالحرام وحتى لوعلى امه وابوه, تدخلوا الموجودين وعمتي صارت تطق ولدها بكل قوتها وقام صالح يضرب فهــد ويقول انت طليقها مايكفيك العار الي سويته ببنت عمك وبعدين ليش تدخل على اهلي من دون ماتستأذن وريم على ذمتي وحصلت هوشه كبيره انتهت بقسم الشرطه وحبس فهد يومين حتى تنازل عن حقه صالح,ماحسيت بطمع الحياه بذيك الليله كلها هم ونكد(كان فهد حاقد علي مايبغاني اتزوج ..هذا انسان كاره الحياه كل شي حرام يعرفه بس ايش ذنبي انا ؟؟؟انا الي ماعمري آذيته ولاآذيت اهله!!!بس عرفنا السبب ان تأثير المخدرات والخمر عليه هو الي يوصله هالمواصيل وانا الضحيه) وبعد ثلاث ايام وبعد هدوء الاوضاع بديت اندمج مع صالح حسيت بالحنان والابوه الي افتقدتها من زمان حسيت انه كل شي بحياتي,كان يساعدني بعلاجي ويحمسني على نسيان الماضي وكان ولده اسمه: (سعــــــيــد)وبنته(هيفـــــــــــــاء)كانوا متخوفين مني لكن بعد شهر تأقلمنا مع بعضنا مع ان فارق السن بيننا بسيط جدا ,كانوا ينادوني يمه وكانوا يحسون ان ذي الكلمه ماتناسبني كانوا يقولون انتي اختنا انتي صغيره باقي بس عشان ابوهم كان يجبرهم ينادوني يمه وفعلا صرت ام لهم وابو وخال وعم وصرت الحنان والعطف والحب لهم,ماراح اتطرق لاحداث كثيره تسببها فهد في ايذائنا بس راح اقولكم بعض منها,في يوم من الايام جت عندي عمتي(زوجة عمي)وجلسنا نسولف وكان صالح ماهو موجود بالبيت,فجاءة دق الباب وقالت هيفاء في واحد عند الباب يقول افتحي قمت اشوف من عند الباب الا واذا بسعيــــــــد فتح الباب والي عند الباب كان فهد(موراضي يتركني بحالي مااقدر ابلغ عنه اخاف سالفة الاغتصاب احد يدري من الناس عنها لان لودريت الجهات المختصه راح ينذاع الخبر)كنت اتهرب لاني مااكشف عليه وناديت عمتي وانا ارتجف خوف واقول الحقير ياعمه جاء قامت تخاصمه وتقول وايش الي جابك ,تدرون وش سوى؟؟؟؟؟؟مسك امه من يدها بقوه وقال لاتجلسين ببيتهم البسي عباتك ويالله(كان يجر امه وكأنه يجر حمار)قمت اصيح واقول اخرج يالحقير ماخلصت كلمتي الا ورماني على الارض وحط رجله بوجهي وتلفظ علي بألفاظ بذيئه , أخــذ سعـــــــــيــد سكين وطعن فهد بظهره كذا طعنه وصار الي صاروكان هذا دفاع عني(سعيد وهيفاء ماكان عندهم علم بسالفة فهد كانوا دايم السؤال الي محيرهم ليش فهد يسوي فيك كذا؟؟؟كنا انا وابوهم مانرد عليهم بحكم سنهم)وفي قسم الشرطه ماقدر فهـــد يكسب القضيه لانها كانت ضده وصارت القضيه((دفاع عن النفس))واحد ودخل بيتنا وتهجم على محارم الناس كان هذا عقابه ,فهد طبعا ماجراله شي لانه ذئب بشري سافل ومرت الشهور وكتب ربي وحملت من صالح كنت دايم اروح لدوام بشغلي كنت ادرس بمعهد كان ملكي من معاهد ابوي الله يرحمه وبعد الدراسه صرت مديرته المهم في ذاك اليوم وصل صالح الاولاد لمدارسهم ووصلني لمعهدي وفي نهايه الدوام جاء ياخذني صالح ولما قربت لسياره مادريت الا وفهـد مسرع بسيارته كان يبغى يصدمني لكن ربي ستر دخلت السياره وانهرت من كثر البكاء ,صالح انقهر وعزم انه ينتقم منه(لكن ياناس ماكان فيه أي اثباتات ضده)وقتها بكيت وقلت:
صـــــــــــــالـــــــح انت الشي الجميل بحياتي لاتخليني اخسرك ,وفهد ماحد يقدر عليه غير ربك واذا مارحم امه تبغاة يرحمنا صــــالــــــح حتى امه يضربها فتكفى خله ربي يجازيه,عذب امه واخوه ,اخوه سافر للخارج يشتغل هارب من تصرفات فهدالي فضحهم قدام الناس وامه كانت تعاني منه كان يدفها ويشتمها ويضربها ويقولها والله لوماتسكتين من زنك والله لادفنك تحت الارض!!! مايهتم فيها بس ربي كتب لها اخوان كثير كانوا يهتمون فيها وفعلا صدق الله حينما قال في كتابه الكريم في سورة التغابن((إنما اموالكم وأولادكم فتنه والله عنده اجرٌعظيم))...ولـــدت وجبت بنــــــــــــت سميناه (طيــــف) كان صالح يعاني من مرض القلب كان دايم يتعب أي شي يأثر عليه بس كنا انا واولاده موفرين له الامان والهدوء وبعد سنه كتب ربي وحملت للمرة الثانيه وانا في شهري السادس رحت وزرت زوجة عمي لانها كانت طايحه على الفراش فبعد زيارتها وانا خارجه الا وإذافهـــــد طالع للبيت وشافني تراجعت للورى رجعت لغرفة عمتي(يالله ايش اسوي ياعمه فهد جاء )عمتي طايحه وش تقدر تسوي غير انها تطمني بلسانها قمت انادي الشغاله واقول قفلي الباب وطلعت جوالي واتصلت على زوجي وقلتله تعال بسرعه لكن.......دخل فـــهد الي مايراعي محارم الله (يدخل على أي وحده من غير استأذان مايدري ان الكشف على غير المحارم محرم؟؟؟دام انه صايع ووخمار وزاني وحرامي وكل شي شين فيه وشلون يبالي بالمحارم)دخل وقال ايش الي جابك وكنت متنقبه وقتها وانا ارتجف واقوله ازور عمتي كان خطواته تتجه ناحيتي وعمتي تقول اخرج اخرج يافهد اخرج ولاتخلي قلبي يغضب عليك اكثر كانت تقول:ايش الله بلاني فيك كل العالم تشتكي منك وحتى بنت عمك ماسلمت منك,كانت تردد وتقول كفايه انها سامحتك بالي سويته فيها (قصدهااغتصابه لي)خلها يافهد وروح ...كان مايدري وش تقول امه كان متجه ناحيتي وكل عيونه شر وكنت انادي واقول للشغاله نادي أي احد وكنت اصارخ وابكي لاني ماكنت اقدر اتحرك بسبب حملي وفجاءه دفني بقوة على الجدار واغمى علي.......ماصحيت الا وانا بالمستشفى ...صحيت ولقيت نفسي انسانه اخرى.......انسانه فقدت جنينها.......انسانه لاتستطيع الانجاب مره اخرى.........كل هذا من ولد عمي اغتصبني وكرهني بالحياه وافقدني طفلي الثاني لكن الحمد لله تكفيني (طيــــــــف) من لحمي ودمي ويكفيني (سعــــيد وهيــــفاء)ابنائي الي ماجابهم بطني الحمد لله على نعمته.صرت انسانه عاجزه عن الانجاب بسبب الرميه الي رماني فيها ولد عمي ,فاض الكيل من صالح وجن جنونه ورفع قضيه ضد فهــــــــــدعلى فعايله الشنيعه لكـــــــن لم تستكمل القضيه!!!
إستعادة كلمة المرور 
طرب - منتديات طرب
> 
قسم القصص والروايات
29-10-2006, 09:00 PM
قصه حقيقيه ومؤلمه ليس لها عنوان غير الالم ..
رد: قصه حقيقيه ومؤلمه ليس لها عنوان غير الالم ..
عفوا ... نأسف على هذا الازعاج
العرض العادي
